« نەخەمىيا »

(قىسقىچە چۈشەندۈرۈش)

«مۇقەددەس كىتاب»نىڭ «ئەزرا» قىسمىدا ئىسرائىللارنىڭ يېرۇسالېمغا تۇنجى قايتىپ كېلىشى ھەمدە ئىبادەتخانىنى يېڭىباشتىن قۇرۇپ چىقىشى بايان قىلىنغان بولسا، «نەخەمىيا»دا ئوخشىمىغان ۋاقىتتا يېرۇسالېمنىڭ شەھەر سېپىللىرىنىڭ يېڭىباشتىن قۇرۇپ چىقىلىشى بايان قىلىنىدۇ. نەخەمىيامۇ ئەزراغا ئوخشاش پېرسىيە پادىشاھىنىڭ ئىلتىپاتىغا ئېرىشىپ، يېرۇسالېمنى ئۆز ئىچىگە ئالغان يەھۇدىيە رايونىنىڭ باشلىقى بولۇپ تەيىنلىنىدۇ. ئۇ شەھەر سېپىللىرىنى يېڭىباشتىن قۇرۇشقا يېرۇسالېمغا كېلىدۇ. گەرچە پېرسىيە پادىشاھى نەخەمىيانىڭ سېپىل قۇرۇشىغا رۇخسەت بەرسىمۇ، يەھۇدىيە ۋە ئۇنىڭ ئەتراپىدىكى باشقا خەلقلەرنىڭ قاتتىق قارشىلىق كۆرسىتىشىگە ئۇچرايدۇ.

سېپىللار پۈتكەندىن كېيىن، نەخەمىيا روھانىيلار ۋە لاۋىيلارنىڭ ئىبادەتخانىدا ئۆز ۋەزىپىسىنى ئادا قىلىشىغا بۇيرۇق قىلىدۇ. نەخەمىيا خەلقنىڭ مۇسا پەيغەمبەرگە چۈشۈرۈلگەن تەلىملەرگە ئەگىشىش ئارقىلىق ئېتىقادتا بولۇشىنى تەشەببۇس قىلىدۇ. خەلق ئۆزلىرىنى سېپىل قۇرۇلۇشىغا قىزغىن بېغىشلاپ، خۇدا يولىدا مېڭىش ئىرادىسىنى تېخىمۇ كۆچەيتىدۇ. شۇنداق تۇرۇقلۇق نەخەمىيا قىسقا ۋاقىتلىق يېرۇسالېمدىن ئايرىلىپ، كېيىن قايتىپ كەلگىنىدە، خەلقنىڭ خۇدانىڭ ئەمر-پەرمانلىرىدا يەنە بوشاپ كەتكەنلىكىنى ۋە ئىسرائىللار ئېتىقاد قىلىپ كەلگەن خۇداغا ئېتىقاد قىلمايدىغان يات مىللەتلەر بىلەن تۇرمۇش قۇرغانلىقىنى كۆرىدۇ.

گەرچە ئىسرائىللارنىڭ يېرۇسالېمنىڭ سېپىللىرىنى يېڭىباشتىن قۇرۇپ چىقىشى خۇدانىڭ ئىرادىسى بولسىمۇ، ئەمما ئۇلار نۇرغۇن قىيىنچىلىقلارغا دۇچ كېلىدۇ. خەلق قىزغىنلىق بىلەن خۇدا يولىدا ماڭسىمۇ، بىراق كۆپ قىسمى بوشاپ كېتىدۇ. بۇنىڭدىن كۆرۈۋالالايمىزكى، خۇدانىڭ ئىرادىسىنى ئەمەلگە ئاشۇرۇش پەقەت ئېتىقاد ۋە جاسارەتنىلا ئەمەس، بەلكى ئېگىلمەس چىداملىقنىمۇ تەلەپ قىلىدۇ.

تېزىس:

  1. نەخەمىيانىڭ يېرۇسالېمغا قايتىپ كېلىشى (1-، 2-بابلار)
  2. يېرۇسالېم شەھىرىنى يېڭىباشتىن بىنا قىلىش (3-باب 1-ئايەتتىن 7-باب 3-ئايەتكىچە)
  3. سۈرگۈندىن قايتقانلارنىڭ تىزىملىكى (7-باب 4 ئايەتتىن 73-ئايەتكىچە)
  4. خەلقنىڭ خۇدا ئالدىدا ۋەدىنامە يېزىشى (8-بابتىن 10-بابقىچە)
  5. يېرۇسالېمغا ئولتۇراقلاشقۇچىلار (11-باب)
  6. روھانىيلار بىلەن لاۋىيلارنىڭ تىزىملىكى (12-باب 1-ئايەتتىن 26-ئايەتكىچە)
  7. شەھەر سېپىللىرىنىڭ خۇداغا بېغىشلىنىشى (12-باب 27-ئايەتتىن 47-ئايەتكىچە)
  8. نەخەمىيانىڭ ئىسلاھاتى (13-باب)

ئەپ دېتالى

hayatnuri-yanfon

كۈندە بىر سوئال

كۈندە بىر سوئال

تاللانمىلار

تاللانمىلار

ھېسىياتلىرىمىز

ھېسسىياتلىرىمىز

خۇدانىڭ سۈپەتلىرى

خۇدانىڭ گۈزەل سۈپەتلىرى

پەيغەمبەرلەر

پەيغەمبەرلەر

پۇل ۋە بايلىق

پۇل ۋە بايلىق

ئاياللارنىڭ قىسسىلىرى

مۇقەددەس كىتابتىكى ئاياللارنىڭ قىسسىلىرى

تېمىلار

تېمىلار

ئالبۇم

ئالبۇم

سوئالىڭىز بولسا...

سوئالىڭىز بولسا...

يېڭى مەزمۇن

يېڭى مەزمۇن

كىشىلىك مۇناسىۋەت

كىشىلىك مۇناسىۋەت

ئەيسا ئەلەيھىسسالام

ئەيسا ئەلەيھىسسالام

تەمسىللەر

ئەيسا ئەلەيھىسسالامنىڭ تەمسىللىرى

كۈندىلىك تۇرمۇش

كۈندىلىك تۇرمۇش

مۆجىزىلەر

پەيغەمبەرلەرنىڭ ھاياتىدىكى مۆجىزىلەر